Алматы облысындағы Үлкен ауылының маңында Қазақстан тарихындағы алғашқы атом электр станциясының құрылысын бастау рәсімі өтті, деп хабарлайды todayinfo.kz
Салтанатты шараға ҚР Атом энергетикасы агенттігінің басшысы Алмасадам Сәтқалиев, «Росатом» мемлекеттік корпорациясының бас директоры Алексей Лихачёв және басқа да ресми тұлғалар қатысты.
АЭС құрылысы аясында топырақ алу үшін бұрғылау жұмыстары да басталды. Үлгілері бар капсула зерттеу жүргізу үшін Ресей тарапына беріледі.
Айта кетейік, екінші АЭС-ті қытайлық CNNC компаниясы салады, ал қай жерге салынатыны күзде анықталады. Сондай-ақ, үшінші станцияны да CNNC салуы мүмкін.
Фото: kazinform/ Еламан Тұрысбеков
