Төтенше жағдайлар министрі Шыңғыс Әрінов журналистердің сұрағына нақты жауап беруден бас тартты. Министрден журналистер қолындағы сағатының құны қанша теңге екенін сұраған еді. Алайда министр жауап беруден бас тартты, деп хабарлайды Todayinfo агенттігі.
Еліміздің бас құтқарушысы БАҚ өкілдерінің сұрағына нақты жауап бере алған жоқ. Еліміздің құтқарушылары, жалақының аздығына налыған. Олар «біздің жалақымыз аз болса да, төтенше жағдайлар министрінің қолындағы сағаты 2 млн теңге тұрады» деген мағынада мәлімдеме жасаған.
Министр Шыңғыс Әрінов өзіне қойылған сұраққа нақты жауап бере алған жоқ.
«Сағатымның құны 2 млн теңге емес…сыйлыққа алғамын, қарапайым сағат. Неше теңге тұратынын білмеймін, бірақ, нақты 2 млн теңге емес», — деді тікелей қойылған сұрақтан қашқақтаған министр.
