Соңқы уақытта әлеуметтік желілерде, мессенджерлерде және басқа да онлайн платформаларда әдейі жалған және арандатушылық ақпараттың таралуы жиілеп кетті.
«Мұндай әрекеттер қогамдық жағдайды тұрақсыздандырып, сенімді бұзады, алауыздық тудырады және қақтығыстарды қоздырады», деп жазды Polisia.kz.
ІІМ ескертеді: жалған ақпарат тарату – бейкүнә әрекет емес, бұл қылмыс болып саналады. Жалған ақпарат таратқаны үшін жеті жылға дейін бас бостандығынан айыру жазасы қарастырылған.
Жарты жыл ішінде шындыққа жанаспайтын мәліметтерді жариялағаны үшін 47 қылмыстық іс тіркелген. Мәселен, Түркістан облысында ер адам әлеуметтік желілерде жерді шетелдік инвесторларға беру туралы жалған ақпарат орналастырған. Сот үкімімен ол кінәлі деп танылып, сотталған.
Үлттық, діни немесе әлеуметтік араздықты қоздыру фактілері ерекше алаңдаушылық тудырады. Бұл – 20 жылға дейін бас бостандығынан айыру көзделетін ауыр қылмыс. 2025 жылдың алғашқы жартыжылдығында мұндай фактілер бойынша 64 қылмыстық іс қозғалып, 15 адам сотталды, олардың тоғызы нақты мерзімге сотталды. Олардың арасында TikTok-та ұлтқа қатысты қорлайтын видео таратқан Абай облысының тұрғыны және дін аралық араздықты ашық қоздырған Қызылорда облысының тұрғыны бар. Барлығы ұсталып, сот үкімімен жазаланды.
Жалған ақпарат тарату үшін қылмыстық жауапкершілікпен қатар әкімшілік жауапкершілік те қарастырылған. ӘҚБтК-нің 456-2-бабы бойынша алты ай ішінде 38 адам әкімшілік жауапкершілікке тартылды: Атырау облысында тұрғын бөгет бұзылды деген жалған ақпаратпен видео жариалаған; Петропавлда белсенді сотталғандарды жаппай босату туралы жалған ақпарат таратқан. Олардың барлығы бірнеше тәулікке дейін әкімшілік қамауға алынқан. ІІМ кез келген заңға қайшы жарияланым ққандық жауапкершілікке акелетінін баса айтады.
«Барлық азаматтарды заң нормаларын сақтауға, сақ болуға және ақпарат таратуға жауапкершілікпен қарауға шақырамыз. Әрбі хабарлама шынайы болуы, араздыққа шақырмауы және қоғамдық тәртіпті бұзбауы тіс. Тек ортақ құқықтық мәдениет пен бір-біріне құрмет қоқамда бейбітшілік, тұрақтылық пен сенімді сақтауға мүмкіндік береді», – деп атап өтті ведомство.
