Фото: видеодан скриншот
Ақтау маңында апатқа ұшыраған Әзербайжан ұшағында тірі қалған бортсеріктің кім екені анықталды. Апаттан аман қалған қыз — 1999 жылы туған Айдан Рагимли болып шықты, деп хабарлайды Todayinfo.
Құлаған ұшақта 5 экипаж мүшесі болған. Олардың үшеуі қаза тауып, екеуі аман қалды. Тірі қалған бортсеріктің бірі — Айдан Рагимли. Ол қазір Ақтаудағы ауруханада жатыр. Әзербайжандағы БАҚ ауруханада жатқан бортсеріктің жағдайын білуге барғанда ол көз жасына ерік беріп, қатты жылаған. Айдан Рагимли 1999 жылы дүниеге келген.
Бакуден Шешенстан астанасы Грозныйға бет алған «Әзербайжан әуе бағыттары» компаниясына тиесілі ұшақ Ақтау маңында апатқа ұшырады. Бортта 42 Әзірбайжан, 6 Қазақстан, 3 Қырғызстан, 16 РФ азаматы болған. Барлығы 38 адам қаза тапты. Бүгін Әзербайжанда бүкілхалықтық Аза тұту күні.
