Михаил Ломтадзе Премьер-Министр Олжас Бектеновтың төрағалығымен өткен Үкімет отырысына қатысып, мемлекеттік органдармен бірлесіп жүзеге асырған жұмыстардың нәтижесі туралы айтты, деп хабарлайды Todayinfo.
Kaspi қосымшасындағы «Мемлекеттік қызметтер» сервисіне ай сайын 10 миллионнан астам адам кіреді. Олардың ішіндегі ең танымалы – цифрлық құжаттар, жүргізуші куәлігін ауыстыру, автокөлікті қайта рәсімдеу, баланың туу туралы куәлігі, анықтамалар. Кәсіпкерлер де смартфон экранынан тікелей жеке кәсіпкерлікті тіркеп, активтері мен міндеттемелері туралы декларация тапсырып, салық төлей алады.
«2024 жылы 7,5 миллион адам Kaspi арқылы салық төледі. Жеке тұлғалар мен жеке кәсіпкерлердің сервис арқылы төлеген салық көлемі жыл ішінде шамамен 2,2 трлн теңгені құрады. Бұл 2023 жылмен салыстырғанда 34%-ға көп»,- деді қаржы ұйымының баспасөз қызметі.
Kaspi арқылы сервис іске қосылған уақыттан бері 1 миллионнан астам жеке кәсіпкер ретінде тіркелді. 1 миллион адам 250-нысан бойынша, тағы 281 мың адам 910-нысан бойынша декларация тапсырды. Тек 2024 жылы ғана бизнес бюджетке 1,7 трлн теңгеден астам салық төледі.
«29 наурызда жасанды интеллектке арналған AlmatyFair ai көрмесінде Михаил Ломтадзе Қасым-Жомарт Тоқаев пен Шавкат Мирзиёевке Kaspi қызметтері туралы баяндап, Kaspi Gold-ты 60 секундқа жетпейтін уақытта басып шығарып көрсетті. 2024 жылдың қорытындысы бойынша Kaspi Қазақстандағы барлық банктер арасында ең ірі салық төлеуші атанды. Салық көлемі 285,8 млрд теңге. 2024 жылы жалпы еліміздегі банктер бюджетке 840 млрд теңге салық төлеген», — деді Kaspi банк баспасөз қызметі.
