Алматыда «Адем» сауда үйінің иесі саудагерлерге қысым жасап, заңсыз тауарларын алып қойған, деп хабарлайды todayinfo.kz
Сауда үйінің иесі мен жалға алушы Тагыбекова арасындағы жанжал 2024 жылдың тамыз айында басталған. Жәбірленушінің айтуынша, Редясебов жалдау ақысын үш есеге дейін көтеріп, сондай-ақ сауда үйінде жұмыс істеу құқығы үшін ірі жалға алушылардан 50 мың доллар талап еткен.
Кәсіпкерлер мұндай талаптарға келіспеген. Олардың айтуынша, содан кейін «Адем» сауда үйінің иесі өзіне бағынбағандарды «жоюға кіріскен».
Саудагер Тағыбекова 20 жыл бойы «Адем» сауда үйінде жұмыс істеген. Айтуынша, сауда үйінің иесі Рашид Редясебов заңсыз әрекеттерге барған. Ботагөздің сөзінше, Редясебов оны және анасын «Адемнен» күшпен шығарып жіберіп, рейдерлік жолмен барлық сауда нүктелерін иемденіп алған. Сонымен қатар, ол Редясебовтың жалға алу келісімшартын заңсыз бұзып, отбасына қоқан-лоқы көрсеткенін және тіпті оған қол көтергенін айтты.
Ботагөз Тағыбекова әділдік іздеп бірнеше рет құқық қорғау органдарына жүгінген. Алайда, 11 ай бойы ол заңсыздықпен жалғыз күресіп келеді. Оның айтуынша, полиция мен прокуратура әлі күнге дейін ешқандай әрекет жасаған жоқ.
300 млн теңгенің тауарына рейдерлік шабуыл жасалды
Тағыбекованың айтуынша, 21 тамызға қараған түні Рашид Редясебов оның бутиктеріне заңсыз кіріп, барлық есіктерді бұзып, ішіндегі тауарларды алып кеткен.
Бутиктерді жалға алушы Ботагөздің айтуынша, ол жерде жалпы сомасы 300 миллион теңге тұратын тауар болған. Бүгінгі күнге дейін ол өз мүлкін қайтара алмай отыр және бұл шығынның өтелетініне күмәні бар екенін айтады.
Жалға алушының айтуынша, қақтығыстан кейін оған және оның қызметкерлеріне қатты қысым көрсетілген. Оның сөзінше, Редясебовтің бағыныштылары жұмыстарына кедергі келтіріп қана қоймай, кейбірі әйелдерге физикалық күш қолданған.
Сондай-ақ, Тағыбекова «Адем» иесінің қарумен қорқытқанын да айтты.
— Барлық дәлелдеріме, тіпті сот шешіміне қарамастан, әділдікке қол жеткізе алмай келемін. Рашид Редясебов менің бутиктерімді басқа біреулерге сатып жіберіп, ұрланған тауарымды әлі қайтарған жоқ.
Учаскелік полиция мен прокуратура бұл қылмыстық істі қозғауға мүдде танытпады. Тергеу барысында көптеген заң бұзушылықтар болды: куәгерлер қатыстырылмады, фото мен видео айғақтар еленбеді. Іс 10 айға созылып, ақыр соңында “қылмыс құрамы жоқ” деген себеппен жабылып қалды, – деді Ботагөз.
Ботагөз Тағыбекова азаматтық сотта жеңіп шығып, бұл жағдай бойынша өзінің кінәсіз екенін дәлелдей алды. Алайда соған қарамастан, сот шешімі «Адем» басшылығы тарапынан әлі күнге дейін орындалмай отыр.
Құқық қорғау органдарынан көмек ала алмаған соң, Ботагөз Тағыбекова Президент Қасым-Жомарт Тоқаевқа және Бас прокуратураға үндеу жолдады.
Ол кінәлілерді жауапкершілікке тартып, заң аясында қатаң жаза қолдануды талап етіп отыр.
Посмотреть эту публикацию в Instagram
