Тәжікстанда 40 жастағы ер адам 15 жастағы ұлын ақша ұрлағаны үшін азаптап өлтірген, деп хабарлайды Todayinfo.
2025 жылы 26 шілдеде ер адам баласының үйден мамыр айында 800, шілдеде 600 сомони ұрлап алғанын байқайды.
«Ұлын мойындату үшін әкесі Тико маркалы көлігінен отырғызып алып, айдалаға алып барады. Содан кейін 2 метр арқанды баланың аяғына, екінші ұшын көліктің артына байлап, ұлын 100 метрдей сүйреген», — деді ІІМ мәлімдемесінде.
Ол қорлық әркетін камераға да түсіріп үлгірген. Видеода ер адам баладан насыбай атқаны мен ақша ұрлағанын мойындауды талап етеді. Бала ақшаны жұмсап жібергенін, ал насыбайды мүлде пайлаланбағанын айтқан.
Видео желіге тарап кетіп, үлкен резонанс тудырған. Дереккөздің хабарлауынша, оқиғадан екі-үш күн бұрын жасөспірімді «насыбай аттың» деп әкесі соққының астына алған екен. Зорлықтан құтылғысы келген бала, 600 сомони , қазақша – 34 мың теңге шамасындағы ақшаны алып, басқа қалада тұратын тәтесінің үйіне қашып кетеді. Бірақ туысы оның әкесіне хабарласып айтып қойған. Кейін оны ер адам келіп алып кетеді. Үйге қайтар жолда баланы әбден азаптайды. Ал үйіне әкелген соң ұлын жертөлеге қатап тастап, әйелі мен өзге балаларына оған баруға тыйым салады. Келесі күні жасөспірімнің жағдайы әбден нашарлап, дәрігер шақырады. Алайда оның қайтыс болып кеткені анықталады. Баланың әкемі мен анасы марқұмды жан баласына тіс жармай көміп тастағысы келіп, жолға шығады. Сол жолда оларды полиция қызметкерлері тоқтатады.
Қазір ер адам «адам денсаулығына қасақана ауыр зардап келтіру» және «адам өлтіру» баптары бойынша күдікті деп танылып, қамауда отыр.
Фото: Коллаж Asia-Plus
