1 маусым – Халықаралық балаларды қорғау күніне орай, «AMANAT» партиясының Талғар аудандық филиалына қарасты «Қайнар» бастауыш партия ұйымының төрағасы Ерлік Тілеубай мен аудандық мәслихат депутаты Мақсұт Омарбаев ерекше акция бастады. Қос жігіт қайырымдылық акциясын бастады. Мектеп мұғалімі ауыл балаларына қуаныш сыйлады, деп хабарлайды Todayinfo ақпараттық агенттігі.
Мерекелік шара аясында мыңға жуық балаға тәтті балмұздақ таратылып, олардың жүздеріне шаттық пен қуаныш ұялатты. Ата-аналар мен ауыл тұрғындары бұл игі іске алғыстарын білдіріп, балалардың бақытты балалық шағына қосқан үлестері үшін ризашылықтарын жеткізді.
«Балалар – еліміздің болашағы. Олардың қуанышты сәттері мен жарқын күлкілері – біз үшін ең үлкен сый. Осындай шаралар арқылы біз олардың жүрегінде мейірім мен сенім ұялатамыз», – деді депутат Мақсұт Қасымбекұлы.
Бұл шара – ауыл тұрғындарының бірлігі мен қамқорлығын көрсететін жарқын мысал.
«Әрбір адамға қуаныш сыйлау елдің батасын алу. Мен осы Талғар ауданында жыл сайын ондаған отбасына қайырымдылық көрсетіп, үнемі қол ұшын созып келем, демеушілерді де іздеуден жалыққан емеспін. Ұстаз мейірімі шексіз болу керек. Туған отаныңа, еліңе қамқорлық жасауда бір бақыт», — деді Еламан ауылдық мектебінің мұғалімі Ерлік Тілеубай.
