Экс-депутат Ынташ Наурызова Маңғыстау облысының әкімі Нұрдәулет Қилыбайдан тапқан ұлының фотосын желіге жүктеді, деп хабарлайды Todayinfo.
Ол әкелікті анықтау туралы арызын өңірдің кәмелетке толмағандардың істері жөніндегі мамандандырылған ауданаралық сотының судьясы қараусыз қалдырып отырғанын айтты.
«Мен өз еркіммен арыз қараусыз қалсын деп жазған жоқпын. Судья Кенжееваның айтуы бойынша амалсыздықтан жаздым. Маған әкесі Н.Қилыбай өз еркімен мойындаймын деп АХАТ органға арыз жазыпты. Енді іс жүргізбейміз, жабылады деп маған қағаз жаздырып алды. Мен қанша рет айтсам да, менің сөзімді тыңдамады. Өзім бәрін жеңем деп ойлап едім. Бірақ заңсыз хаттар мен судья, бәрі мені алдап, мәжбүрлеп жазғызып отыр. Енді бағдарламаларға шығатын болдым. Амалым жоқ», — деп жазды Ынташ Наурызова.
Еске салсақ, Ынташ Наурызова өзінің Маңғыстау облысының әкімі Нұрдәулет Қилыбайдан балалы болғанын, оны әкесінің мойындамай, бас тартқанын жайып салған еді. Айтуынша, әкім өз ұлынан тегін бермей қойған. Тіпті әйелді қорқытып, соңына адам салып қойыпты. Экс-депутат әкімнің кесірінен барлық есік жабылып, соңынан түрлі өсек тарап жатқанын айтып жылаған. Нұрдәулет Қилыбайдың өзі некесіз баласы туралы сұраққа нақты жауап берген жоқ.
https://www.tiktok.com/@intash_nauruzova/video/7521294815082859781
