Backstreet Boys тобының әлемдік тур аясындағы Қазақстандағы концерттеріне арналған билеттердің құны белгілі болды. Бұл туралы CA Entertainment халықаралық продюсерлік орталығының өкілі Сымбат Серік мәлімдеді,деп хабарлайды Todayinfo ақпарат порталы.
«Билет бағасы 40 мың теңгеден басталады. Осындай аңызға айналған топтың концертінен керемет эмоция алуға болады. Сонымен қатар, біз билеттерді алып-сатумен айналысатын алыпсатарларға қарсы күрес жүргіземіз», – деді продюсер СЦК-дегі брифинг барысында.
Билеттерді сату 2025 жылғы 14 шілдеде басталады. Негізгі сатылым Ticketon платформасы арқылы жүзеге асады.
Сонымен қатар, дәл осы күні пресейл (алдын ала сату) басталады. Бұл – әлемдік тәжірибеге сай ұйымдастырылған арнайы банк карталарының иелеріне арналған жеңілдікпен билет сату жүйесі.
- Алматы – 2025 жылғы 19 қыркүйек
- Астана – 2025 жылғы 21 қыркүйек
Концерттер Backstreet Boys тобының әлемдік туры аясында өтеді. Турдың ерекшелігі – ақ түсті дресс-кодты сақтау, яғни көрермендерге ақ киіммен келу ұсынылады.
