Шетелдік туристер полицейлердің ақша сұрағанын айтып жатыр, деп хабарлайды Todayinfo.
Бұл туралы Kozachkov_offside арнасында жарияланған. Жазбада көрші елдерден келген туристер өз басынан өткергендерін баяндады. Олардың айтуынша, қазақстандық полицейлер түрлі сылтау айтып, ақша талап еткен. Instagram-дағы бұл пост желіде қызу талқыланып жатыр.
«Бөтен елде өзіңді ақшаға толы қап сияқты сезіну өте жағымсыз», – дейді турист.
Шетелдік туристер полиция сылтау тауып, қинамас үшін барынша жолға дайындалып шыққан. Алайда, жол ережесін қадағалаушылар туристерді тоқтатып, 1,5 млн теңге ақша сұраған. Тек өзге көлік иелері камера алып түсіре бастағанда ғана құжаттарын беріп, жібере салған.
«Туризмді дамытамыз дейміз, бірақ шетелдіктерге осындай қарым-қатынас көрсетіп жүрміз», — деп жазды оқырмандар.
