Айтыскер Сара Тоқтамысова ақындардың айтысқа қатысқаннан ауру болып жатқанын айтты, деп хабарлайды Todayinfo.
Оның айтуынша, айтыс өнері адамды күйзеліске түсіреді.
«Айтыс деген өте қиын өнер. 20 минуттың ішінде өзің суырыпсаласың, қарсыласың не айтатынын білмейсің, сен оған жауап беруің керек. Айтыстың белгілі тақырыбы болады, ол туралы айтуың керек. Оның үстіне сен әртіс болуың керек.
Қазір ақын аға-апаларымыз қантпен, қан қысымымен ауырады. Оның бәрі неден? Оның бәрі жас күнінде айтысқа қатысып, стресс алғаннан. Менің айтыстың алдында көзім қып-қызыл болып кететін. Сөздің соққысына дайын болу үшін бар ойың сонда болады. Сені қарсыласың аямайды», — деді ол.
Ақын айтыс өнері қоғамда өзінің тиісті бағасын ала алмай жүр деп есептейді.
