АҚШ-тың бұрынғы президенті Дональд Трамптың Украинадағы арнайы өкілі Кит Келлог Киевте Ресейге қарсы санкциялар мен қауіпсіздік мәселелері бойынша келіссөздер бастады. Бұл туралы Reuters хабарлады, деп жазады Todayinfo.
Бұған дейін Трамп Украинаға Patriot зениттік зымыран кешендерін жіберу туралы мәлімдеме жасаған.
«Біз оларға Patriot-ты жібереміз, себебі олар аса қажет етіп отыр. Путин күндіз әдемі сөйлейді де, түнде бомба жаудырады», – деді Трамп журналистерге.
Ол сондай-ақ: «Біз оларға түрлі заманауи әскери техника жеткіземіз. Олар бізге толықтай ақы төлейді – бізге керегі де осы», – деп атап өтті.
Трамп нақты қанша Patriot кешені жеткізілетінін нақтыламады, бірақ Еуропалық одақ олардың құнын мойнына алуы мүмкін.
Президенттің бұл ұстанымы оның Украинаға деген бұрынғы позициясынан айтарлықтай ерекшеленеді.
Айта кетейік, Трамптың НАТО Бас хатшысы Марк Рютте және Германия қорғаныс министрі Борис Писториуспен кездесу жоспарында бар. Келіссөздер барысында Украина мәселесі негізгі тақырыптардың бірі болмақ.
Фото: nato.int
