Танымал әнші Нұрлан Еспанов жуырда ұлының үйлену тойын өткізіп, көпшілікпен қуанышын бөлісті. Ол «Жетінші арна» YouTube арнасына берген сұхбатында келінді алғаш қарсы алған кездегі сезімі, тойдың қалай өткендігі және қонақтарға деген көзқарасы туралы ашық айтты, деп хабарлайды Todayinfo.
«Адамның өзі тойда көңілді жүру керек. Өзің көңілді жүрсең, ешкімге өкпелемейсің. Сенің өкпең кімге керек? Құдайға шүкір, барлық қонақтар келді. Кейбір достарым келе алмай қалды. Бірақ ешкімге ренішім жоқ», – деді ол.
Әнші сөз арасында келінмен қарым-қатынастағы алғашқы кезеңнің аса жауапты әрі әсерлі екенін де жасырмады.
«Ұялып жүрміз. Ұялу керек. Келін жақсы енді. Біз көпшіл адамбыз. Біздің үйде адам көп пе, аз ба, білінбейді», – деп ағынан жарылды Еспанов.
