Белгілі журналист Гүлмира Дайрабаеваның 28 жастағы ұлы, блогер Артур Асқарұлы өткен демалыста сүйіктісі Замира Саидовамен өмірлік жұп атанды. Жас жұбайлардың тойы әлеуметтік желіде тікелей эфирде көрсетіліп, оны 50 мыңнан астам адам тамашалаған, деп хабарлайды Todayinfo ақпарат порталы.
Тойда қазақ эстрадасының танымал әншілері – Роза Рымбаева, «МузАРТ», «Дос-Мұқасан» сынды ұжымдар өнер көрсеткен. Бұл кеш қонақтары үшін де, онлайн көрермен үшін де есте қаларлық мәдени шараға айналды.
Артур Асқарұлы Instagram парақшасында беташар рәсімінің видеосын бөлісті. Онда қонақтардың 22 мың теңгеден 1 миллион теңгеге дейін ақша салғаны көрсетілген.
«Көп ақшаны қоспағанда, беташардан 3 012 000 теңге түсті, ағайын», – деп жазды Артур.
Бұл жайт әлеуметтік желі қолданушыларының түрлі әзіл-сынына ұласты.
«Мына беташардан кейін салық комитеті халық бай екен деп ойлайды»,
«Осындай достарым болса, арманым жоқ»,
«Қонақтардан лотерея жасайтын заман болған» – деген пікірлер жазылды.
