Айдар Тұрғанбек Instagram парақшасында нағашысы, «Сарыағаш» медресесінің имамы Әбдужаппар Смановпен кездескен сәтінен видео жариялады. Жазбада медреседе 1000 шәкіртке арналған жаңа кітапхана салынатыны туралы айтылған,деп хабарлайды Todayinfo ақпарат порталы.
Видеода Сманов әншіні «менің жиенім» деп таныстырып, оған мақтанышпен қарайтыны байқалады.
Әлеуметтік желі қолданушылары бұл жазбадан кейін Айдарға қатаң сын бағыттады. Пікір білдірушілердің бір бөлігі:
«Ұстаз дейтіндей қай пәннен сабақ береді бұл?»,
«Вахабистерден құтылмай ел болмаймыз»,
«Ауғанстанға жіберетін армия дайындап жатқан жоқ па?»
— деп жазды.
Сонымен қатар, кейбір қолданушылар видеоны салафизм мен жат ағым белгілерімен байланыстырды.
Алайда желіде Смановты жақтайтындар да аз емес. Олар:
«Ұлы адам»,
«Нағыз ел басқаратын ұстаз»,
«Оны президент сайлау керек», –
деген мазмұндағы пікірлер қалдырды.
@aidar.turgambek♬ Көңіл толқыны — Сымбат Абдуахап
