Әнші Нұрлан Еспановтың ұлы Олжас Еспанов «Жарқыраған жұлдыз» бағдарламасына берген сұхбатында әкесінің келін түскеннен кейін де бұрынғыдай көпшілікпен жүргенін айтып, әзіл аралас пікір білдірді,деп хабарлады Todayinfo.
«Негізі үйде болмайды ол кісі. Тек ұйықтауға келеді. Қарасаң, кәдімгідей «квартирант» сияқты. Түсте тұрып, қайтадан шығып кетеді. Үйленгенімізге қарамастан, бұрынғы қалпы өзгерген жоқ», – деді Олжас.
Бұл сөздерді Нұрлан Еспановтың өзі де растады. Ол қазіргі таңда құдалық пен қонақ күту шаруаларымен үйде көп болмай жүргенін айтты:
«Ұялу бар, әрине. Бірақ келініміз жақсы. Үйіміз көпшіл болғандықтан, кімнің бар екенін кейде байқамай да қаламыз. Қазір той өтті, енді құдалық болды. Өзім де үйде көп емеспін – қонақтарды қарсы алып, шығарып салып жүрмін. Қызықтар енді басталатын шығар», – деді өнер иесі.
