Медиажоба авторы, деректі фильмдермен танымал контент продюсері Әлия Әшім әлеуметтік желіде қызу талқыланған Қарқаралыдағы видеоға байланысты ресми пікір білдіріп, өз позициясын түсіндірді,деп хабарлады Todayinfo.
«Сіздер — әкем, аға-әпкелеріммен тең қауымсыздар. Мен бұл видеодан кейін “Абайды қорлаған қыз” деген атпен есте қаламын деп ешқашан ойламаппын», – деп жазды ол.
Әлия Қарқаралыдағы бейнероликтің мазмұны көпшілікке қате әсер қалдырғанын мойындап, бұл үшін жақындарының ескертуін де алғанын жасырмады.
«Әкемнің өзі де ренішін айтты. Сол үшін табалау емес, жанашырлықпен, орынды сын айтқан аға-әпкелерден шын жүректен кешірім сұраймын», – дейді ол.
Ол бұл видеода Абайды мазақ ету немесе мәдениетті қорлау мақсаты болмағанын, дереккөз ретінде “Салт-дәстүр сөйлейді” кітабы пайдаланылғанын, сілтеме көрсетілгенін айтады.
Әлияның айтуынша, жобаларды қаржыландыратын қандай да бір топ немесе лобби жоқ. Оның командасы:
- АҚШ-та білім алғаннан кейін
- Жеке инвестициялар мен жарнама арқылы
Freedom Holding Corp., Bi Group, Aviasales, Halyk Bank, Sandyq Group сынды компаниялармен серіктесіп,
Жарнама ақысын ағартушылық жобаларға бағыттап келеді.
Олардың бастамасымен «Қонаев дәуірі», «Біз неге орысша сөйлейміз?», «Желтоқсан» секілді деректі фильмдер түсіріліп, кейін жастарға арналған форматта TikTok пен Instagram арқылы таратылған.
Автор қазіргі таңда Желтоқсан оқиғасына қатысқан 100-ден аса азаматтың 40-ына сұхбат жазып алғанын, бұл жұмысты өз қаражаттарына атқарып жүргенін айтады.
«Бұл — тарихи жадты сақтау. Аға-әпкелеріміздің көзі тірісінде бұл деректерді жинап қалу — біздің ұрпақтың парызы», – дейді Әлия.
Әлия жазбасын шын ниетпен, ашық әрі жауапкершілікпен аяқтаған:
«Абайды мазақ ету, тарихты қорлау деген ниет менде ешқашан болған емес. Керісінше, тарихи рефлексия арқылы деколонизация процесіне үлес қосып, жастарға ой салу – біздің басты миссиямыз. Ортақ мүддеміз — саналы қоғам қалыптастыру», – деді ол.
