Танымал продюсер Баян Мақсатқызы 2022 жылғы “Қазақ Аруы” атанған Аружан Бекболатты қолдап, жаңа “Құлан ару” әнін жарыққа шығарды. Этностильде жазылған туынды көпшілікке ұсынылды, алайда ол көп ұзамай сынның астында қалды,деп хабарлайды Todayinfo.
Әлеуметтік желі қолданушылары әннің башқұрт халқының танымал “Хомай” туындысына қатты ұқсайтынын жарыса жазды. Желіде тараған пікірлерде:
- “Бұл – Ay Yola-ның көшірмесі”
- “Хомайға қатты ұқсайды”
- “Қазақ әні емес сияқты, жасанды естілді”
- “Осы да ән бе?” – деген сияқты сыни пікірлер айтылды.
Сындардан кейін Баян Мақсатқызы әлеуметтік желіде жауап жазып, жобаның түпнұсқа екенін мәлімдеді:
«Бұл ән «Хомай» шықпай тұрып жазылған. Этностиль – мәдениетіміздің бір бөлігі. “Сүгірдің термесін”, “Ризамын”, “Рухты ару”, “Ізін көрем” секілді туындыларды жоққа шығаруға болмайды. Біз атқа мінген елміз, ал музыкада жеті нота ғана бар. Әншінің де образы – өзінікі. Онымен 5 жылдан бері жұмыс істеп келемін», – деді продюсер.
