Астана қаласында орын алған ауқымды өртке байланысты оқшаулау және сөндіру жұмыстары әлі де жалғасуда. Төтенше жағдайлар департаментінің мәліметінше, өрт туралы хабарлама кеш түскен, соның салдарынан жалын бүкіл ғимарат аумағына тарап, үлкен көлемде өршіген,деп хабарлайды Todayinfo ақпараттық агенттігі.
Мамандардың айтуынша, жанғыш заттардың көп болуы да өртті сөндіруді қиындатуда. Қазіргі таңда өртті оқшаулау үшін барлық шаралар қолданылуда.
Өртті сөндіру үшін оқиға орнына суды үздіксіз беру ұйымдастырылған, сондай-ақ биік сатысы бар техникалар мен су оқпандары пайдаланылуда.
Астана қалалық Төтенше жағдайлар департаменті, жергілікті атқарушы органдар мен басқа да қызметтердің 165 маманы және 62 бірлік техника қызыл жалынмен күреске тартылған.
