Индонезияның Солтүстік Сулавеси провинциясы маңында жолаушылар кемесі өртеніп, кемінде үш адам көз жұмды, деп хабарлайды Todayinfo шетелдік ақпарат көздеріне сілтеме жасап.
Жүздеген адам құтқарылды
Оқиға 20 шілде, жексенбі күні болған. Әлеуметтік желілерде тараған бейнежазбаларда жолаушылардың кемеден секіріп, ашық теңізге түсіп жатқаны көрінеді. Олар өртенген кемеден өздері қашуға мәжбүр болған.
«Үш адам қаза тапты, шамамен 150 адам құтқарылды», – деді Солтүстік Сулавеси провинциясының құтқару қызметінің өкілі Вери Ариянто. Оның айтуынша, құтқару операциясына әскери-теңіз күштері, жағалау күзеті және жергілікті балықшылар жұмылдырылған.
Кеме туралы мәлімет
Өртенген KM Barcelona 5 кемесінде 280 жолаушы болған. Кеме Манадо портына бағыт алған.
Алдын ала мәлімет бойынша, өрт Талисе аралына жақын маңда шыққан. Өртті сөндіру және адамдарды эвакуациялау жұмыстары жалғасуда.
«Құтқару шараларына бірнеше кеме, қайықтар мен әскери құрылымдар қатысуда. Жергілікті балықшылар да көмек көрсетіп жатыр», – деді төтенше жағдайларды басқару агенттігінің өкілі Джерри Хармонсина.
Фото: Facebook/Info Kapal Manado & Sekitarnya
