Танымал актриса, әнші Айгүл Иманбаева бұрынғы күйеуі Сәбит Әбдіхалықовпен бірге ұлы мен келініне және 1 жасқа толған немересіне той жасап берді, деп жазады Todayinfo ұлттық порталы.
Тойда Айгүл Иманбаеваның анасы, бұрынғы және қазіргі енесі қатар тұрып тілек айтты. Той төрінде әншінің ұлы мен келінінің және немересінің есімі жазылған.
Желіде жарияланған кадрлардан тойға актрисаның ет жақындары, әріптестері, достары келгенін байқауға болады.
«Енді Сәбит әкесі, білесіздер. Мүмкін, менің өлшеміме сай келмейтін шығар. Екі жаққа кеткесін, жауласу керек, өле өлгенше өштесу керек дегенмен келіспеймін. Ол менің баламның әкесі тойдың төрінде отыруы тиіс», – деген пікірде Айгүл Иманбаева.
