Ресей Федерациясы президентінің баспасөз хатшысы Дмитрий Песков Ресей аумағында тұратын әзербайжан диаспорасы туралы пікір білдіріп, олардың көпшілігі заңға бағынатын азаматтар екенін және қоғамда құрметке ие екенін атап өтті,деп хабарлайды Todayinfo ақпараттық агенттігі.
«Ресейде өте үлкен әзербайжан диаспорасы өмір сүріп жатыр. Олардың барлығы дерлік – заңға бағынатын, құрметке лайық азаматтар», – деді Песков журналистерге берген сұхбатында.
Дмитрий Песков Ресей тарапы үшін Әзербайжанда орыс ұлтының өкілдеріне де құрмет көрсетілуі аса маңызды екенін баса айтты.
«Біз үшін Әзербайжанда орыстарға деген құрметтің болуы өте маңызды», – деді Кремль өкілі.
Сонымен қатар, Песков Ресейдегі барлық азаматтар заң алдында бірдей екенін айтып өтті:
«Заң бұзған кез келген азамат – ұлтына қарамастан – заңмен жауапқа тартылады», – деді ол.
