Белгілі журналист, жазушы Мұхтар Түменбай 55 жасқа қараған шағында өмірден өтті. Қайғылы хабарды оның әріптесі, қаламгер Серікқали Мұқашев жеткізді.
«Асылдың сынығы еді. Тұлпардың тұяғы еді. Арамызда аңқылдап жүрген адал досымыз, әділетсіздік атаулыға қаны қас жаужүрек бауырымыз – белгілі журналист Мұхтар Түменбай досымыздан қапыда айырылып қалдық… Бақұл бол, бауырым…», – деп жазды әріптесі.
Мұхтар Түменбай 1970 жылы 11 тамызда дүниеге келген. Журналистика, әдебиет және қоғамдық пікір саласында өзіндік қолтаңбасы бар қаламгер ретінде танылған. Ол түрлі республикалық басылымдарда қызмет етіп, әлеуметтік әділеттілік пен ұлттық рухты насихаттаған мақалаларымен ерекшеленді.
