Жергілікті тұрғын бойжеткен өзіне қарсы қасақана кісі өлтіруге оқталу және ауыр дене жарақатын салу фактісі бойынша әлеуметтік желі арқылы мәлімдеме жасады. Бұл туралы жәбірленуші Instagram парақшасында жариялап, фотосуреттер мен нақты айғақтарды көпшілікке ұсынды, деп хабарлайды Todayinfo ақпарат порталы.
Қыз өзінің азаматтық некеде болмағанын, шабуылдаушы тараптың әрекеті қасақана жасалғанын атап өткен.
«Басымды қабырға мен еденге ұрды, денемді тепкіледі, тұншықтырды. Белгісіз зат беруге, дәрі ішкізуге тырысты. Бұл – менің өміріме қауіп төндірген әрекет. Мен әділдік талап етемін», – деді жәбірленуші.
Ол сондай-ақ оқиға орнында процессуалдық заң бұзушылықтар болғанын мәлімдеді. Оның айтуынша:
- Оқиға орны пломбаланбаған,
- Қан іздері, пышақ, таблеткалар сияқты қылмыс құралдары тіркелмеген,
- Пәтер ашық күйде қалған, бұл дәлелдердің жойылуына әкелуі мүмкін.
- Жәбірленуші тергеудің әділ жүруін талап етіп, қоғамнан қолдау сұрады.
Павлодар облыстық полиция департаментінің баспасөз қызметі бұл факті бойынша Қылмыстық кодекстің тиісті баптары бойынша іс қозғалғанын хабарлады. Күдікті ер адам қамауға алынып, уақытша ұстау изоляторына жеткізілген.
«Егер сіз өзіңізге немесе өзгелерге қатысты зорлық-зомбылықты байқасаңыз, дереу 102 нөміріне немесе «Police 102» мобильді қосымшасы арқылы хабар беріңіз», – деп хабарлады полиция.
Посмотреть эту публикацию в Instagram
