Фото: видеодан скрин
Белгілі кәсіпқой боксшы Садриддин Ахмедов қымбат көлік алып, жастарға мақтанды. Ол құны кемі 85 миллион теңге тұратын Toyota Land Cruiser 300 автокөлігін ата-анасына сыйлаған, деп хабарлайды Todayinfo агенттігі.
Садриддин Ахмедов жасаған жақсылығын көрсетіп, көпшілікке ақыл айта кетуді де ұмытпады. Өзінің ойын ресми парақшасында жариялап, жастарға кеңес берді.
«Алланың қалауымен, бұл көлікті Әкеме сыйға тарттым! Ата-аналарымыз балаларының берген әр сыйына, қошеметіне лайық деп есептеймін. Өйткені берекенің бір үлкен сыры – ата-ананың разылығында. Менің балаларым да әкесінің істеген осындай істерін көрсе жаман болмайды деп есептеймін, сол үшін тек жақсы дүниелерлі көрсетуміз керек», — деді боксшы.
Кәсіпқой бокста Садриддин Ахмедов 16 жекпе-жек өткізіп, соның 15-інде жеңіске жеткен. Рингте бір рет қарсыласымен тең түскен. Ол соңғы рет мексикалық Хесус Эспадасқа қарсы қолғап түйістіріп, қарсыласын жеңе алмаған еді.
«Қазақ елі! Менің жастармен бөлісер ойым, айтар кеңесім бар. Өмірде біреудің ризығы көп біреудікі аз, біреуде тең, біреуде кем деп өмір сүру — өмірдегі үлкен қателіктеріміздің бірі екен. Алла ұлық, Алла ризықты әлемнің кез келген жерінен тіпті сен ойламаған дүниелерді сендік етіп қояды.
Біз жастар әлі отырамыз талай көлікке амандық болса. Өзім сияқты жастарға берер кеңесім — өсейік, өнейік, еңбектенейік! Алла бізді біреуден кем болсын деп жартақан жоқ, тек жолдарын іздеу керек! Адал еңбек әрқашан жеңеді, тек Алладан күдіктенбей, үмітпен еңбектену керек! Жастар сендерге вызов, давай ата-аналарымызды қолымыздан келгенше көтерейік!», — деп жазды боксшы.
