40 жастағы танымал әнші Ерке Есмахан жуырда үшінші рет ана атанды. Өнер иесі бұл қуанышты сәтін әлеуметтік желідегі жазбасында бөлісіп, ұлының қырқынан шығару рәсімінің қалай өткенін жан-жақты баяндады,деп хабарлайды Todayinfo.
Әншінің айтуынша, рәсімге арнайы көк, ақ және алтын-күрең түсті ұлттық өрнектермен көмкерілген жастықтар мен көрпелер әзірленген. Сонымен қатар, сәбидің есімі жазылған күміс ыдыстар да дайындалған.
«Батыр баламызды екі әжесі қырқынан шығарып, бесікке салды. Әулеттің үлкендерінің берген батасы қабыл болсын! Батырым атына заты сай, иманжүзді жігіт болып өссін!» – деп жазды Ерке.
Әнші жүрекжарды лебізін білдіріп, өзге аналарға да тілек арнады:
«Өзім қандай аппақпын, жүрегім де дәл сондай. Сондықтан ақ тілегімді қабыл алыңыздар. Сәби күткен отбасыларға Алла егіз нәсіп етсін. Шаңырақтарыңызда тек бақыт, шаттық, қуаныш болсын! Бар болыңыздар, бай болыңыздар!» – деді Ерке Есмахан.
Желі қолданушылары Ерке Есмаханды құттықтап, ақ тілектерін жаудырды:
«Құтты болсын! Қуанышыңызды көре беріңіз»
«Батырыңыз ел қорғайтын ер азамат болсын»
«Сәбиге жарқын өмір тілейміз»
