Алакөлде зейнеткер әйелді катер қағып өлтірді. Суға шомылып жүрген 63 жастағы зейнеткерді су көлігі қағып өлтірді. Оқиғаға қатысты Туризм және спорт министрлігі түсініктеме берді, деп хабарлайды Todayinfo
Министрлік мәліметіне сүйенсек, марқұмның аты-жөні Галина Ивановна Сизикова. Министрлік оқиғаның барлық мән-жайы жан-жақты әрі әділ тергеліп, кінәлілердің Қазақстан Республикасының заңнамасына сәйкес жауапқа тартылатынына сенім білдіріп отыр.
Турист жағадан 100 метр шамасында жұзіп жүрген. Алайда оны жүйіткіген катер басып өлтірген.
Туристік маусым басталар алдында ведомство жағалау мен су айдындарындағы қауіпсіздік мәселелеріне жергілікті атқарушы органдар мен құзырлы мемлекеттік құрылымдардың назарын аударғанын мәлімдеді.
Министрлік атап өткендей, су көлігін реттеу, оның ішінде лицензиялау, басқаруға рұқсат беру, техникалық байқау және шағын кемелерді тіркеу Туризм және спорт министрлігінің құзыретіне жатпайды.
«Катер жүргізушісі уақытша ұстау изоляторына қамалды, тиісті сараптамалар тағайындалды, тергеу жүргізілуде. Оқиға орнында уәкілетті органдар тексеру жұмыстарын жүргізіп жатыр. Тергеу жалғасуда. Оның нәтижелері бойынша заңнамаға сәйкес іс жүргізу шешімі қабылданады», – деп Абай облысы полиция департаментінің баспасөз қызметі.
Министрлік туристердің қауіпсіздігін арттыру мақсатында кешенді шараларды жетілдіруді, сондай-ақ ақпараттандыру, алдын алу және бақылау мәселелерін қамтитын ведомствоаралық өзара іс-қимылды күшейтуді жалғастыратынын атап өтті.
Фото: pixabay.com
