Өзбекстанның Самарқанд облысында министрліктің онлайн жиналысы кезінде шенеунік әріптесі екеуі ерсі қылық істеген. Ер адам әйелді алдына отығызып, құшақтап отырған, мұны өзге қатысушылар камерадан көріп отырған , деп хабарлайды Todayinfo kun.uz басылымына сілтеме жасап.
Артынша Өзбекстанның Еңбек министрлігі ресми түсініктеме беріп, жауапты тұлғалар мәселені тексергенін хабарлады.
Нәтижесінде, этикалық нормаларды өрескел бұзған бөлім басшысы мен сол жиында болған әйел қызметкердің еңбек шарттары бұзылып, екеуі де қызметтен босатылды.
Министрлік олардың әрекеті мемлекеттік қызметкер этикасына қайшы екенін атап өтті.
Шенеунік бұл қызметке 2023 жылдың желтоқсан айында тағайындалғаны анықталды.
