Алматы облысындағы Сорбұлақ көлінің маңында жоғалып кеткен әскери тікұшақтың апатқа ұшырағаны белгілі болды. Екі экипаж мүшесінің денесі табылды, деп хабарлайды Todayinfo Shyndyk.kz- ке сілтеме жасап.
Тікұшақ бортында 4 адам болған
Құқық қорғау органдарындағы дереккөздің мәліметінше, Сорбұлақ көлі маңынан 2 адамның мәйіті табылған. Біреуінің тұлғасы анықталды, екіншісі анықталып жатыр. Тағы екі экипаж мүшесін іздеу жұмыстары жалғасуда.
«Қорғаныс министрлігі Сорбулақта мәйіттерді енді ғана шығарып жатыр. Сот-медициналық сараптама жедел тобы енді ғана жолға шықты», — делінген хабарламада.
Алдын ала мәлімет
Тікұшақ бортында төрт әскери қызметкер болған. Апаттың нақты себебі әзірге жарияланған жоқ. Іздеу-құтқару жұмыстары жалғасуда.
