📅 Қазақстанда 2025–2026 оқу жылындағы мектептегі демалыс мерзімдері бекітілді. Бұл туралы Оқу-ағарту министрлігі мәлімдеді.
Оқу жылы 2025 жылдың 2 қыркүйегінде басталып, 2026 жылдың 25 мамырында аяқталады. Білім күніне арналған салтанатты жиын өткізу туралы шешімді әр мектептің педагогикалық кеңесі өзі қабылдайды.
Мектеп демалыстарының кестесі (2025–2026 оқу жылы):
🔹 1-тоқсан — 8 апта (2 қыркүйектен бастап).
📌 Күзгі демалыс — 27 қазаннан 2 қарашаға дейін (7 күн).
🔹 2-тоқсан — 8 апта.
📌 Қысқы демалыс — 2025 жылдың 29 желтоқсанынан 2026 жылдың 7 қаңтарына дейін (10 күн).
📌 1-сынып оқушыларына қосымша демалыс — 9–15 ақпан 2026 жыл (7 күн).
🔹 3-тоқсан — 10 апта.
📌 Көктемгі демалыс — 19–29 наурыз 2026 жыл (11 күн).
🔹 4-тоқсан — 8 апта.
📌 Оқу жылының аяқталуы — 25 мамыр 2026 жыл.
📌 Айта кетейік, бұған дейін Оқу-ағарту министрі Ғани Бейсембаев жаңа оқу жылының басында мектептерді қандай өзгерістер күтіп тұрғанын айтып, 1 қыркүйекті мереке күні етіп белгілеу мүмкіндігі туралы сұраққа жауап берген болатын.
