Фото: Kazinform
Бүгін Шымкент қаласы әкімінің орынбасары Руслан Берденовке қарулы шабуыл жасау ісі бойынша сот процесі басталды.
Қылмыстық іс Шымкент қаласының қылмыстық істер жөніндегі мамандандырылған ауданаралық сотында қаралуда. Басты айыпталушы — Ернар Жиенбай, ол бұған дейін «Тұрғын үй Шымкент» ЖШС-ін басқарған.
Істі судья Әбінұр Қарабаев қарап жатыр. Сот процесі ашық форматта, мемлекеттік тілде өтіп жатыр. Дегенмен, айыпталушыны бейнежазбаға түсіруге тыйым салынды.
Айыптар қандай?
Ернар Жиенбайға ҚР Қылмыстық кодексінің екі бабы бойынша айып тағылған:
-
24-бап, 3-бөлік — Қылмысқа дайындалу және қылмыс жасауға оқталу
-
99-бап, 1-бөлік — Адам өлтіру
Не болды?
21 сәуір күні Шымкент әкімдігі ғимаратының жанында Руслан Берденовке қарулы шабуыл жасалды. Бұл оқиға оның қала әкімінің орынбасары қызметіне тағайындалғанына екі ай ғана болған тұста орын алған.
Шабуыл салдарынан Руслан Берденов жарақат алып, ауруханаға жатқызылды. Ал 25 сәуірде күдіктінің әкесі мәлімдеме жасап, істің кейбір тұстарын қоғамға жария еткен болатын.
Берденов туралы
Руслан Берденов бұған дейін Қазақстан Республикасы Парламенті Мәжілісінің депутаты болған. Ол 2024 жылдың ақпан айының соңында Шымкент қаласы әкімінің орынбасары қызметіне тағайындалды.
