Қазақстан Республикасының Президенті Қасым-Жомарт Тоқаев Түркияға ресми сапары аясында Анкара қаласындағы Анытқабір — Мұстафа Кемал Ататүріктің кесенесіне барды. Түрік Республикасының негізін қалаушы, тұңғыш Президенті саналатын Ататүрікке құрмет көрсетіп, Мемлекет басшысы рухына тағзым етті,деп хабарлайды Todayinfo ақпараттық агенттігі.
Қасым-Жомарт Тоқаев кесенеде арнайы рәсімге қатысып, Құрметті қонақтар кітабына қолтаңба қалдырды. Жазбасында ол Қазақстан мен Түркия арасындағы достық пен стратегиялық әріптестіктің одан әрі нығая беретініне сенім білдіріп, бауырлас түрік халқына бейбіт өмір мен өркендеу тіледі.
Гүл қою рәсіміне Қазақстанның ресми делегациясы да қатысты. Олар Ататүрікке құрмет көрсетіп, қос ел арасындағы тарихи-мәдени байланыстардың маңызын тағы бір мәрте көрсетті.
