Абай облысында орын алған жол апаты полиция подполковнигі Дамир Тұражановтың өмірін қиды. Бұл ақпаратты облыстық полиция департаментінің баспасөз қызметі растады, деп хабарлайды Todayinfo.
Облыстық ПД басшысы Бектөре Сұлтан Instagram парақшасында әріптесінің мезгілсіз қазасына байланысты отбасы мен жақындарына көңіл айтты.
– Оның жанқиярлық еңбегі, антына адалдығы және жоғары кәсібилігі әріптестерінің және оны жеке танитын барша жандардың жүрегінде мәңгі сақталады. Бұл – ішкі істер органдары жүйесі үшін орны толмас қайғы, біз сіздермен бірге қайғырамыз, – деді полиция генерал-майоры.
Айта кетейік, дәл осындай жағдай биыл сәуір айында да болған еді. Ол кезде Абай облысында полиция қызметкері Айдос Айдарханұлы жол апатынан көз жұмған.
