2025 жылғы 30 шілдеде өткен сауда-саттық нәтижесінде теңге бағамы бір АҚШ доллары үшін 550 теңгеге дейін төмендеді. Бұл шілде айының басынан бері ұлттық валютаның 5,8%-ға, ал жыл басынан бері 4,7%-ға әлсірегенін көрсетеді,еп хабарлайды Todayinfo агенттігі.
Валюталық интервенция: Неліктен қажет болды?
Қазақстан Республикасының Ұлттық Банкі валюта нарығындағы өтімділіктің төмендеуі мен алыпсатарлық қысымның күшеюі жағдайында валюталық интервенция жүргізуге шешім қабылдады. Бұл қадам айырбастау бағамындағы шамадан тыс ауытқуларға жол бермеу және нарықтағы теңгерімді қалпына келтіру мақсатында жасалып отыр.
«Ұлттық Банк биржалық және биржадан тыс валюта нарығындағы жағдайды ұдайы бақылауда ұстап отыр және қажет болған жағдайда жедел әрекет етуге дайын», — делінген ресми хабарламада.
Экономикалық негіздер әлі де тұрақты
Ұлттық Банк теңгенің әлсіреуін іргелі факторлармен байланыстырмайды. Себебі:
-
Мұнайдың әлемдік бағасы 70 АҚШ долларынан жоғары деңгейде тұрақты сақталып отыр;
-
АҚШ долларының жаһандық әлсіреу үрдісі жалғасуда.
Осы жағдайларды ескере отырып, теңгенің қазіргі әлсіреуі ұлттық валютаның нақты құнынан төмен бағаланғанын білдіруі мүмкін.
Ашықтық пен сенімділік – басты қағидат
Ұлттық Банк транспаренттілік қағидатына сай, валюта нарығындағы барлық операциялар туралы ашық ақпарат беріп отырады. Бұл қоғам мен нарық қатысушыларына нақты және уақтылы ақпарат ұсыну арқылы сенімділік деңгейін арттыруға бағытталған.
