Америкалық поп-жұлдыз Дженнифер Лопес 2025 жылғы 30 шілдеде Мысырдың Шарм-эш-Шейх қаласында концерт беріп, тыңдармандар арасында үлкен ажиотаж тудырды. Келесі күні, яғни 1 тамызда, 56 жастағы әнші Астана сахнасына шығады,деп хабарлайды Todayinfo ақпараттық агенттігі.
Әншінің «Up All Night» атты алты жылдан кейінгі алғашқы халықаралық гастрольдік туры 2025 жылғы 8 шілде мен 10 тамыз аралығында өтіп жатыр.
Бастапқыда Мысырдағы концерт 4 шілдеге жоспарланған еді, алайда ұйымдастырушылар орындаушының гастрольдік кестесіне байланысты шоу 30 шілдеге ауыстырылғанын хабарлаған.
ТАСС агенттігінің хабарлауынша, концерттің өтетін күні Шарм-эш-Шейхтегі кешеннің алдына мыңдаған адам жиналып, кіреберіс маңында адам кептелісі орын алған. Әншінің өнерін тамашалауға асыққан жұрттың көптігі салдарынан ұйымдастыру жұмыстарына қатысты әлеуметтік желіде сын пікірлер де айтылған.
