Қоян-қолтық ұрыстан үш дүркін әлем чемпионы Сора Рахмонова ағасы, UFC жекпе-жек шебері Шавкат Рахмоновтың отбасындағы жағдайға байланысты пікір білдірді,деп хабарлайды Todayinfo.
Ол өзінің әлеуметтік желідегі парақшасында жазба жариялап, ауыр жағдайға душар болған жеңгесіне қолдау білдіріп, алаңдаушылық танытқан көпшілікке алғыс айтты.
«Ағамның отбасындағы жағдайға алаңдап, хабарласып жатқандарға Алла разы болсын! Мұндай ауыр жағдай ешкімнің басына келмесін! Ертең не боларын бір Алла біледі…
Жеңгеме Алла жар болсын! Екі бірдей жақынынан айырылып, өзі де жарақат алды.
Қайтыс болған жандардың иманы жолдас болсын! Жандары жәннатта болғай!» – деп жазды Сора Рахмонова.
