Орталық сайлау комиссиясы саяси партиялардың мемлекеттен алатын қаражатын жариялаған еді. Халықтың жағдайын жақсартып, елдің дамуына үлес қосамыз дейтін саяси партиялар Парламенттен орын алып қана қоймай, бюджеттен де толықтай қаржыландырылады. Todayinfo порталы саяси ұйымдардың биылғы бюджетін түгендеп шықты.
Қазіргі таңда Қазақстанда 7 саяси партия тіркелген
Олар: «Amanat» партиясы;
«Ақ Жол» Қазақстан демократиялық партиясы;
Қазақстан Халық партиясы;
«Ауыл» халықтық-демократиялық патриоттық партиясы;
«Жалпыұлттық социал-демократиялық партия»;
«Байтақ» партиясы; «Respublica» партиясы.
Олардың ішінен «Байтақтан» өзгелері 2023 жылғы 19 наурызда өткен Парламент сайлауында қажетті дауысқа ие болып, Мәжілісте өз депутаттарын ұсынып, фракцияларын құруға қол жеткізді.
Саяси партиялардың бюжетен алатын ақшасы
Биыл Орталық сайлау комиссиясы саяси партияларға бюджеттен бөлінетін жылдық қаржының көлемін жариялады. Енді 3 431 510 дауыс жинаған «AMANAT» партиясына бюджеттен жылына 8,7 млрд теңгеден астам қаражат алып келеді.
Ал 693 938 дауыс жинаған «Ауыл» партиясына 1,7 млрд теңге;
547 154 дауыс жинаған «Respublica» партиясы 1,3 млрд теңге;
432 920 дауыс жинаған Қазақстан Халық партиясы 1,1 млрд теңге;
535 139 дауыс жинаған «Ақ Жол» 1,3 млрд теңге; 331058 дауыс жинаған.
Жалпыұлттық социал-демократиялық партия 846 млн теңге қаржыға ие болған.
Елдің жоғын жоқтап, барын қорғайтын саяси партияларды қаржыландыруға тек халық қазынасынан биыл 15,2 миллиард теңге жұмсалады. Осыншама қаражат алып отырған саяси партиялардың жұмысына баға беру халықтың еншісінде.
Автор: Ерлік Ержанұлы
