Instagram желісінде танымал блогер Джузефина өзіне дуа жасалғанын айтып, желі қолданушыларын дүр сілкіндірді. Оның айтуынша, бұрын «сүйемін, өлемін» деп жүрген жігітінен кейін қатты күйзеліске түсіп, өз еркімен ажыраса алмай, азапты күндерді бастан кешірген, деп хабарлайды todayinfo.kz
«Өзіме не болғанын түсінбей жүрдім. Сол жігіт ойымнан шықпай қойды. Басқа ештеңе керек болмады. Азып кеттім. Дәрігерге де бардым, бірақ көмектеспеді. Сөйтсем, дуа жасалған екен. Тіпті ішімдік ішкім келіп тұратын», – деді блогер өз видеосында.
Ол дуаны шешкізгеннен кейін ғана әлгі жігітке деген сезімі күрт өзгеріп, мүлде көргісі келмей кеткенін айтты.
«Бірден бәрі басылды. Жаным тынышталды. Бұрынғыдай іздемеймін. Керісінше, жек көріп кеттім», – деді ол.
Бұл оқиға желіде қызу талқылануда. Бірі дуаның барына сеніп, блогерді қолдаса, енді бірі күмәнмен қарап, мазаққа айналдырған. Әсіресе ер адамдарға бағытталған ашулы пікірлер легі толастар емес.
«Сендерге дуа емес, сиқыр жасатып, орныңда отырғызып қою керек», – деп жазды пікір қалдырушылардың бірі.
Фото: instagram.com/dzhuzefina
Посмотреть эту публикацию в Instagram
