Қазақстан мен Қырғызстан шекарасында орналасқан «Қордай» өткізу бекетінде шекаралық бақылау жүйесінде ақау болып, үш сағаттан астам кезек күтуге және жанжалға себеп болды, деп хабарлайды Todayinfo.kz.
Куәгерлердің айтуынша, кезек бірнеше шақырымға созылып, адамдар арасында қысым мен ығы-жығы туындаған. Жағдай ушығып, ер адамдардың арасында төбелес шыққан. Оларды шекарашылар ажыратқан.
Қазіргі уақытта «Қордай» өткізу пункті қалыпты режимде жұмыс істеп тұр.
