E-Qazyna электронды сауда алаңында Алматы облысындағы жер учаскесі сатылды, деп хабарлайды todayinfo.kz
Лот 217 миллион теңгеге сатылды.
“13 тамызда аукцион толық ашықтық пен транспаренттілік жағдайында өтті, бұл барлық қатысушының тең қолжетімділігін қамтамасыз етті. Аукционның электронды форматы процестің объективтілігі мен бәсекеге қабілеттілігіне кепілдік берді”, – делінген хабарламада.
Белгіленген ережеге сәйкес, аукцион аяқталғаннан кейін 10 жұмыс күнінде жеңімпаз мен сатушы арасында сатып алу-сату шарты жасалады. Объектіні беру сатушының шотына барлық сома түскеннен кейін ғана жүзеге асырылады.
Түскен қаражат арнайы мемлекеттік қорға жіберіледі, оның ресурстары білім беру, денсаулық сақтау, инфрақұрылымды дамыту және халықтың әлеуметтік осал топтарын қолдау салаларындағы басым әлеуметтік жобаларды қаржыландыруға бағытталады.
«Қайтарылған активтерді басқарушы компания» жауапкершілігі шектеулі серіктестігі өз миссиясын жүзеге асыруды жалғастырып жатыр.
Фото: Қайрат ФК
