АҚШ президенті Дональд Трамп пен Ресей президенті Владимир Путин екі жарым сағаттық келіссөзден кейін журналистер алдына шықты, деп хабарлайды Todayinfo.kz.
Қысқа мәлімдемелер
Алдымен сөз алған Путин екі елдің ортақ тарихын атап өтіп, Трампқа жылы лебіз білдірді. Ол 2022 жылы Байденге ескерту жасағанын айтып:
«Сол кезде Трамп президент болғанда, соғыс болмас еді», – деді.
Трамп та ұзаққа созбай: «Келісе алмадық, бірақ ілгерілеу бар» деген қысқа пікір білдірді. Сонымен қатар ол Украина президенті Владимир Зеленскийге қоңырау шалатынын мәлімдеді.
Путин ағылшын тілінде «Мәскеуде кездессек қалай?» деп ұсынғанда, Трамп «көреміз» деп жауап қатты. Екі президент те журналистерге сұрақ қойғызбай, залдан шығып кетті.
Кеңейтілген келіссөз болмай қалды
Бастапқыда кездесу кемінде жеті сағатқа созылады деп хабарланған еді. Алайда бар болғаны 2,5 сағатқа ғана жалғасты. Ақ үй Трамптың тамақ ішпестен Вашингтонға қайтатынын жария етті. Путин де бірден Мәскеуге ұшып кеткен.
