Фото: Ақорда
Қазақстан Президенті Қасым-Жомарт Тоқаев Украина Президенті Владимир Зеленскийге құттықтау жеделхатын жолдады. Ол Украина халқын Тәуелсіздік күнімен құттықтап, елге бейбіт өмір мен бақ-береке тіледі.
Украина Тәуелсіздік күні
24 тамыз – Украина үшін маңызды күн. Дәл осы күні 1991 жылы елдің Тәуелсіздік декларациясы қабылданып, қазіргі заманауи мемлекет құрылған.
Контекст
Айта кетейік, 10 тамызда Владимир Зеленский Қасым-Жомарт Тоқаевқа телефон шалып, әңгімелескен еді. Сол кезде Қазақстан Президенті Астананың әрдайым әділ негіздегі бейбітшілік формуласын іздеуді қолдайтынын, БҰҰ Жарғысын, мемлекеттердің шекаралары мен аумақтық тұтастығын сақтау ұстанымын ұдайы жақтайтынын атап өткен болатын.
