«Аңыз адам», «Жұлдыздар отбасы» журналының Бас редакторы Жарылқап Қалыбай қатерлі дертке шалдықты. Журналдарының таралымы жүз мыңнан асып, оқырмандар арасындағы бәйгеге 20 жылқы, түйе тігіп, дүркіреткен Жарылқап Қалыбай қаржы тапшылығына ұшырап, көптен көмек сұрады, деп хабарлайды Todayinfo.
Журналист зейнетақы мен 2-топ мүгедегінің ақшасына қарап қалған.
«Пәле 2014 жылы Путинді Гитлермен салыстырып шығарған журнал санынан басталды. Ұзаққа созылған соттасулар, одан кейін журналды таратпау мақсатындағы экономикалық қысымдар оны қаржылай шығынға батырды. Соған қарамастан, журналдар бес жыл бойы шығып тұрды. Ақыры жабылды, табыс көзі үзілді. Бірақ ол қаламын қолынан тастаған жоқ, әлеуметтік желі арқылы халықты саяси-ағарту жұмыстарымен шұғылданды. Нұрбиліктің әділетсіздіктеріне қарсы тұрды. Әділдік пен шындық үшін күресті. Талай жылғы талас-тартыс оңай емес, іштей депрессияға түсті. 2019 жылы ковидпен ауырып, әрең аман қалды», — деп жазды белгілі қоғам қайраткері Рысбек Сәрсенбай.
Журналиске онкологиялық ауру – бауыр обыры (ГЦК – гепатоцеллюлярлі карцинома) диагнозы қойылған. Ол бір жылдан астам уақыт әртүрлі ем алып көрген.
«Екі мини-операция жасатты. Нәтиже болымсыз. Қазақстан,Түркия, Индияда емделіп көрді. Есесіне, дәрігерлік шешім анықталды. Жарылқап қанша қашса да құтылмады. Бауыр транспантациясын жасатпаса болмайды. Осыған дейінгі диагностика мен емге қыруар ақша кетті. Отбасы қаржысы таусылды. Күрделі операцияны Оңтүстүк Корея онко-хирургтарының жасауына сенім көрсетті. Операция және операциядан кейінгі кезеңнің шығынына 250 мың доллар керек», — деді қоғам белсендісі.
Ол халықтан қаржылай көмек сұрауды ұят санап, ұзақ уақыт қарсы боп жүрген. Бірақ олай етпесек, қауіпті аурудан аман қалу оңайға соқпайын деп тұр.
Көмек көрсетемін деген қайырымды азаматтар үшін төменде арнаулы банк шоты ашылды.
АО Kaspi Bank
CASPKZKA
Карта нөмері: 4400430225762233
Теңгемен.
АҚШ долларымен:
KZ40722C000024985182
Қалыбай Жарылқап Сейдләұлы.
Каспи голд телефоны: +77014410244.
