Фото: promouter.com
АҚШ-тың Лас-Вегас қаласындағы Allegiant Stadium аренасында бокс кешінің басты жекпе-жегі өтті. Рингке мексикалық Сауль «Канело» Альварес (63-2-2, 39 KO) пен америкалық Теренс Кроуфорд (41-0, 31 KO) шықты, деп хабарлайды Todayinfo.kz
Бұл айқаста суперорта салмақтағы абсолютті әлем чемпионы атағы сарапқа салынды. Жекпе-жек толық 12 раундқа созылып, төрешілердің бірауыздан шығарған шешімімен Кроуфорд жеңіске жетті — 116-112, 115-113, 115-113. Бұған дейін Альварес фаворит саналған еді. Осылайша, америкалық боксшы кәсіби мансабындағы 42-жеңісін тіркеді, ал «Канело» үшін бұл — үшінші жеңіліс.
Айта кетейік, Теренс Кроуфорд бұл жекпе-жек үшін бірден екі салмақ дәрежесіне көтерілді. Бұған дейін ол 2017 жылы бірінші жартылай орта салмақта және 2023 жылы жартылай орта салмақта абсолютті әлем чемпионы атанған болатын.
