26 жастағы астаналық тұрғын Мейіржан Вьетнамға жоспарлаған демалысына ұша алмай қалды. Паспорттық бақылау кезінде оның қолындағы құжаты жарамды болғанымен, базаға «жарамсыз» деп тіркелген. Қате салдарынан ол 500–700 мың теңге шығынға батты, деп хабарлайды Todayinfo.kz Tengri Travel-ге сілтеме жасап.
Қате қайдан шықты?
Мейіржанның айтуынша, мәселе былтыр ЦОН-ға берген өтініштен басталған. Ол кезде ол жоғалған жеке куәлігін қайта рәсімдеген, алайда қате кеткендіктен онымен бірге паспорты да жүйеден «жарамсыз» деп өшірілген.
«Астана – Нячанг рейсінен мені түсіріп тастады. Паспортты да алып қойды. Билеттер, отельдер, трансфер — бәрі жанып кетті. Бұл тек демалыстың күйреуі емес, сонымен қатар үлкен материалдық шығын», — дейді ол.
Қанша қаражат жоғалтты?
-
Жолаушының есебі бойынша жалпы шығын: 500–700 мың теңге.
-
Қосымша: жаңа паспорт рәсімдеу және басқа шығындар.
-
Жоспарланған 10 күндік демалыстан тек 7 күнін ғана өткізе алды.
ЦОН мен миграциялық қызмет не деді?
Мейіржанның сөзінше, ол арыз бергеннен кейін тек жеке куәлікке қатысты мәлімет тіркелген, ал паспорттың қате жойылғаны анықталған.
«Мен өз арызымды қағаз түрінде көрсетуді сұрадым, бірақ қызметкерлер уақыттары жоқ екенін айтты. Соңында жаңа паспортты өз қаражатыма қайта жасаттым», — деді ол.
Қазір зардап шеккен азамат сотқа жүгініп, шығынды өндіріп алуды көздеп отыр.
Ұқсас жағдайлар
-
Былтыр тағы бір қазақстандық азамат Таиландтан депортацияланған: оның паспорты базаға жарамсыз деп енгізілген.
-
Ал басқа бір тұрғын Түркияда қиын жағдайға тап болды: паспортының мерзімі 180 күннен аз болғандықтан, Анталья әуежайында екі тәулікке изоляторға қамалған.
