Әлемге әйгілі Backstreet Boys музыкалық тобы оңтүстік астанадағы концерті кезінде алматылықтарды Қала күнімен құттықтады.
Көрермендер тағатсыздана күткен концерт жоспарланған уақытынан жарты сағатқа кеш басталды. Алайда бұл жағдай Backstreet Boys жанкүйерлерінің көңілін түсірмеді. Аңыз топ сахнаға шыққанда алматылықтар ерекше қошемет көрсетті.
Бірнеше ән шырқаған соң, музыканттар көрермендерге алғысын білдіріп, қазақша «Рақмет» деп айтты.
Оған қоса, Backstreet Boys өнер көрсетіп жатқан кезде Алматыны туған күнімен құттықтады. Айта кетейік, қыркүйек айының үшінші жексенбісінде алматылықтар Қала күнін атап өтеді. Биыл бұл күн 21 қыркүйекке түсіп отыр.
