Самара кеденшілері Қазақстаннан әкелінген ірі көлемдегі ұшқышсыз ұшу аппараттарын анықтады. Бұл туралы Todayinfo.kz порталы РФ Шекара қызметіне сілтеме жасап хабарлайды.
РФ Федералдық кеден қызметінің хабарлауынша, Башқұртстанға бет алған «Газель» автокөлігін тексеру кезінде бөлшектелген күйде 34 дрон және басқару пультімен бірге бір DJI Mavic квадрокоптері табылған.
Тауарға ілеспе құжаттарда БПЛА туралы мәлімет көрсетілмеген. Жүкті алып жүрген ер адам техника жеке бейнетүсірілімге арналғанын айтқан. Алайда ФТС өкілдері дрондардың саны олардың жеке мақсатта қолданылуын жоққа шығаратынын және қауіпсіздікке қатер төндіруі мүмкін екенін атап өтті.
Мамандардың айтуынша, келесі заттар тәркіленді:
- 5 кг-ға дейінгі жүкті тасымалдауға қабілетті екі ұшақ типті ұшқышсыз ұшатын аппарат,
- бір типті барлау аппараты,
- конструкциясы жүкті түсіру мүмкіндігін қарастыратын 32 шағын өлшемді дрондарды құрастыруға арналған жинақтар.
Жүк ұсталды, сараптама тағайындалды, тексеру шаралары жалғасуда.
