Фото: ФК Қайрат
Кеше, яғни 23 қыркүйек күні сағат 17:00-де көптен күткен “Қайрат” – “Реал Мадрид” ойынына билеттердің ресми сатылымы басталды, деп хабарлайды Todayinfo.kz.
Бағасы 30 мың мен 250 мың теңгеге дейінгі аралықта болған билеттер санаулы сағатта сатылып кетті.
Алайда көп ұзамай әлеуметтік желілерде алыпсатарлар билеттерді қайтадан саудалай бастады. Қазір олар билеттің құнын бірнеше есеге көтеріп, тіпті 1 миллион теңгегеғ дейін ұсынып отыр.
Бұған дейін “Қайраттың” баспасөз қызметі бір жанкүйерге екі билеттен артық рәсімделмейтінін хабарлаған. Сондай-ақ билет сатып алу кезінде көрсетілген деректер стадионға кіре берісте қатаң тексерілетіні ескерткен еді. Алайда бұл шектеулер алыпсатарлардың әрекетіне айтарлықтай кедергі болмағаны байқалады.
Бұл жағдай жанкүйерлер арасында қызу талқылануда. Көпшілігі мұндай алыпсатарлыққа қарсы пікір білдіріп, клуб басшылығынан шара қолдануды талап етуде. Алайда, бағасы 1 миллион теңгеге дейін шарықтап кеткен билеттерге әзірге ешкім тоқтау сала алмай отырған секілді.
“Қайрат” пен “Реал Мадрид” арасындағы кездесу қазақ футболындағы тарихи оқиға болары сөзсіз. Әлемнің ең танымал клубтарының бірімен жолдастық ойын өткізу қазақстандық жанкүйерлер үшін де мереке болмақ.
Еске сала кетейік, тарихи матч 30 қыркүйек күні Алматы қаласындағы Орталық стадионда өтеді. Матчты көруге шетелден 5 мыңға жуық турист келеді деп күтілуде.
