Коллаж: ulysmedia.kz.
Қаңтар айындағы көрсеткіш бойынша, Қазақстанның Ұлттық қорында 2024 жылдың қаңтарында 59,4 млрд доллар қаражат жиналғаны хабарланады. 2023 жылдың желтоқсанында бұл көрсеткіш 60 млрд доллар болған. Яғни, бір айда қаражат нысаналы трансферттерге байланысты 600 млн долларға азайғанын көруге болады.
Ұлттық қорға былтыр қанша қаражат жиналды
Бұған дейін Ulysmedia.kz Ұлттық банктің жариялаған есебіне сүйеніп, 2024 жылдың басында Ұлттық қордағы ақша көлемі 60,03 млрд долларды құрағанын хабарлаған еді. Бұл ұлттық валютамен есептегенде 27,2 трлн теңгені құрайды.
Ұлттық қордың көлемі 2022 жылдың желтоқсанында 55,7 млрд долларды құраған. Яғни бір жылдың ішінде шамамен, қор 4,8 млрд долларға ұлғайған.
2023 жылдың ішінде Ұлттық қордың ең көп толыққан айы – шілде. Бұл айда Ұлттық қордың көлемі 60,2 млрд теңгеге ұлғайғанымен, алынған трансферттер есебінен қайта азайған. Айта кетейік, 2023 жылы қордан бөлінген трансферт 4 трлн теңгені құраған еді.
Алда қанша көлемде трансферт алынады?
Ұлттық қордан республикалық бюджетке кепілдендірілген трансферт 2024 жылға – 2 триллион теңге, 2025 жылға – 2 триллион теңге және 2026 жылға – 2 триллион теңгеге белгіленді. Сондай-ақ 2024 жылы Ұлттық қордан 1,6 триллион теңге республикалық ауқымдағы маңызды инфрақұрылымдық жобаларды қаржыландыруға бағытталады.
Биылдан бастап балаларға
Еске сала кетейік, биылдан бастап қаржы министрлігі Ұлттық қордан қаражат 2024 жылдың 1 ақпанынан бастап балаларға төленеді. Алдымен, 2024 жылы алдын ала есептеулер бойынша 250 мыңнан астам бала Ұлттық қордың қаражатын оқу ақысын төлеуге немесе тұрмыс жағдайын жақсартуға пайдалана алады.
Дереккөз: ulysmedia.kz
